|
SubscriptionsSites I Read
|
|
|
|
| 仲有個半月就搬了, 始終來來去去都係回到沙田, 希望這是最後一次啦! 不過可以返多d屋企食飯都有好處, 加上我決定積極做運動, 身體越來越差, 人又越來越懶, 發現屋苑留下有泳池, 希望可以keep番游早水啦! 如果起到身的話. 終於都約左勇thu整頭髮, 不過點解我成日夏天先黎長髮, 哈~~ 成日都想生bb, 但我身體再係咁差就好難了, 為了bb好, 所以要努力增肥~~ 希望自己唔好咁懶啦! 好似成日只係在家, 近來又睇番"尋秦記", 已經第四次, 好彩我無記性, 所以屋企d書真係 "百看不厭" 計落買書好抵~~ 上個月儲落既錢, 今個月用哂黎報形象設計, 有得學儀態同化妝, 希望似番個女仔多d啦! 不過氣質我想與我這生無緣, 哈~~ 第二個月唔夠數了, 好彩一開始入黎新工, 已經打算低薪夠了, 不過出左幾個月, 突然無都有少少down, 好彩我無記性, 好快就forget it la !! 唔知我定下既目標又有幾多可達到呢?  不過最大既目標都係可以同愛既人一齊, 有時沉迷打機時都會漠視左佢存在, 但當看見他就會覺得好幸福~~ 希望永遠唔好忘記失去他的痛苦, 令我每日可以remaind對方既重要, 人往往好易遺忘一些感覺, 但失去才知痛苦, 希望唔好忘記啦~~ | | |
| 估唔到公司開番 xanga條link, 如果連 facebook都開番就好了~~ 近來工作好忙, 忙到靜下都唔得, 莫非真係同事講咁 "有汗出無糧" 咁慘~~ 昨天報告一出, 立刻鬆左一口氣, 少少貧血之嘛~~ 其實係自己衰, 唔鐘意食就寧願餓, 但鐘意食既野又貴到死, 比york知道又罵我浪費唔儲錢, 所以近日在公司食lunch咋! 不是菜就羅宋湯, 寧願留番d錢食好野!! 好祈待月尾可以食自助餐, 不過昨日同家人食飯都唔食得多, 唔知係咪餓細左個胃呢? 有咩我鐘意食又平平地嫁!! 我唔好咁麻煩就好啦! 昨日強哥哥都話我瘦左好多, 由122到現在108, 唉~~ 著d舊裙都就跌啦~~ 有時見到d美食只好叫自己忍口, 有時想起都有d唔開心, 點解要餓肚皮? 唔講啦! 一講我就唔開心, 但唔諗我就唔會唔開心, 所以諗住月尾食好d, 咁今個月剩d錢, 下個月咪唔駛咁慳囉~~ | | |
| 之後我會用facebook的blog了, 大家想知我近況就入facebook啦!  My e-mail: bbjoyee@msn.com !! | | |
| 還記得開始做sales時, 老細經常問我一個問題, "你想我點答?", 其實問問題是有技巧的, 首先你要分析別人性格, 再去預計想要的答案模式, 之後才想點問一條問題, 有些人好快就會決定問題方向, 而我往往不懂, 總是問一些白痴問題, 但當別人時常話我白痴, 叫我下次唔好再問白痴問題時, 我就會想"白痴又點知想問的是否白痴問題?" 我對世界總是很多不明的地方, 我總鐘意問人, 曾經有人話過, 人與人相處是一場心理戰, 有時我也會想, 自己是否真的白痴真的不會嗎? 其實上社會大學都10年了, 工作上人際上又怎會完全未接觸過, 我不是單純亦不是蠢 (有時都有d機智時嫁!), 只是有沒有必要去這麼做? 我相信真心才能換真心, 亦信"不入虎穴, 焉得虎子"之道理, 只有不怕傷的人才有機得到最珍貴的東西, 我會有人性弱點時, 其實我只是一個凡夫俗子, 而我妄想去改變世間的規範, 別人眼中我是什麼人, 對我來說是重要, 始終我也希望被別人認同, 但我真的是什麼人, 是否更重要呢? 如果每句說話也是分析清楚, 過濾完再說, 真確性又有幾高? 但我不過濾說出的說話又會否不小心傷害了人? DBM教過, 任何事只是觀點與角度不同, 所以我沒有怪任何人, 只是"道不同不相為謀" 是與非真與假並不重要, 重要是不忘真心對待每一位曾經出現過的, 之後才不會後悔, YORK話再有人追求也不要再那麼快開始, 因為別人會對我說三道四, 但如果那人是真心的呢? 為何不乾脆一點? 還是真的顧慮那麼多? 雖然是否真心我也分不出來啦! 但我知為了不再負任何人, 只能盡力真心對待任何人, 就像數學題, X+Y=Z 一樣, 如果X與Y也是變數, Z就有無限個可能, 就讓我這個X為實數, 就算Y是變數, 至少Z的可能性會減低一點, 但我仍會有被人誤解時的不快, 始終我是一個平凡人, 只求盡力去做, 結果留給天決定, 未到最後審判, 也不知是非的真正區分, EMILY叫我返她的教會, 我知主創造我, 就知我性格, 所以不會介意, 只是我仍未能面對, 比我逃避多一陣啦! 我會再決定的~~ | | |
| 是哪天誕生 為何極接近
情一見動人 難得太合襯
願愛可發生 旁人便已問
無非怕是我 又為愛踩得太深
＊你願意體諒嗎 你願意忍耐嗎
你若說你不肯 不要緊
旁人未瞭解 我也有不快
就算放棄世界 都想戀個痛快
就算這種心境好友未買
寧願與你相對 兩顆心和諧
不管身邊哪樣猜
就算放棄世界 給身邊去錯怪
沒法阻止心底的愛澎湃
來日世界總會 瞭解這情懷
相戀可再高姿態＊
別再傷腦筋 閒言別過問
毋須理別人 何必太自困
是你的敏感 旁人未過份
無非怕是我 又為愛踩得太深
REPEAT＊
來日世界總會 瞭解這情懷
相戀可再高姿態 突然想起這首歌~~ 像我現在嗎? 寧願留在你世界角落, 寧願放棄我的盼望, 只要能留在你身邊, 我逃避去想是非對錯, 不去深究一切~~ | | |
|
|
